شیعہ نیوز: انصاراللہ یمن نے 33 روزہ جنگ میں، لبنان کی آزادی وخومختاری، قومی اقتدار اعلی اور عوام کے دفاع میں حزب اللہ کے اسٹریٹیجک کردار کی قدردانی کرتے ہوئے، اس کو صیہونی حکومت اور امریکہ کی منحوس سازشوں کے مقابلے میں ایک ناقابل شکست مورچہ قرار دیا ہے
رپورٹ کے مطابق انصاراللہ یمن نے 33 روزہ جنگ میں حزب اللہ کی تاریخی فتح کی سالگرہ پر شیخ نعیم قاسم کے لئے مبارکباد کا پیغام ارسال کیا ہے۔
یہ بھی پڑھیں : اسرائیل کے بجائے، لبنان کی حکومت نے حزب اللہ کو نشانہ بنایا ہوا ہے، دفاع کا سلسلہ جاری رکھیں گے، شیخ نعیم قاسم
حزب اللہ کے سربراہ شیخ نعیم قاسم کے نام اپنے مبارکباد کے پیغام میں انصاراللہ یمن نے لکھا ہے کہ صیہونی دشمن نے 2006 میں لبنان کے خلاف وحشیانہ جارحیت کا آغاز کیا لیکن اس کو اپنے سیاسی اور فوجی، دونوں اہداف میں مکمل شکست کا سامنا کرنا پڑا۔
انصاراللہ یمن نے اپنے پیغام میں لکھا ہے کہ حزب اللہ نے 33 روزہ جنگ میں، عوام کی حمایت سے اپنی مقاومت اور پائیداری سے ملت لبنان کی تاریخ میں شکوہ و عظمت کا ایک نیا باب رقم کیا اور صیہونی دشمن کے مقابلے میں اسٹریٹیجک توازن قائم کرنے کی توانائی ثابت کردی۔
The post انصاراللہ کی امریکی و صیہونی سازشوں کو ناکام بنانے میں حزب اللہ کے بنیادی کردار کی قدردانی appeared first on شیعہ نیوز پاکستان.
